I'r Gymuned
Yr uchelgais ar gyfer safle GCRE yw ei wneud yn safle lle gall pobl a syniadau ddod at ei gilydd, er budd y diwydiant rheilffyrdd, yr amgylchedd, yr economi, ac yn hanfodol, y gymuned leol.
Canolfan Fyd-Eang Rhagoriaeth Rheillffyrdd Sioe Deithiol Gymunedol
Mae’r Ganolfan Fyd-eang ar gyfer Rhagoriaeth Rheilffyrdd yn un o’r datblygiadau seilwaith pwysicaf sydd wedi bod o fudd i’r ardal leol yn y blynyddoedd diwethaf, gydag effeithiau cadarnhaol ar yr economi, yr amgylchedd ac ar gyfer busnesau a chymunedau lleol gerllaw.
Mae gwaith bellach yn mynd rhagddo i adeiladu’r cyfleuster newydd – canolfan arloesi rheilffyrdd o’r radd flaenaf ar hen safle glo brig Nant Helen.
Rydym bob amser yn awyddus i siarad â thrigolion a rhanddeiliaid lleol am ein cynlluniau ehangach ar gyfer y safle a darparu ffyrdd ystyrlon i chi ofyn cwestiynau i'r tîm GCRE.
Yn ddiweddar cynhaliom gyfres o ddigwyddiadau 'Sioe Deithio' a gynlluniwyd i helpu cymunedau lleol i gwrdd â'r tîm GCRE a darganfod mwy am y cynlluniau cyffrous. Gellir dod o hyd i gopi o'r byrddau arddangos o'r digwyddiad hwnnw yn y ddolen isod.
Yn dilyn hyn a'r cwestiynau a ofynnwyd yn y sesiynau, rydym wedi paratoi dogfen cwestiwn ac ateb y byddwn yn ei diweddaru wrth i'r datblygiad fynd yn ei flaen.
I gael rhagor o wybodaeth am GCRE ewch i www.gcre.wales neu i gysylltu ag e-bost y tîm enquiries@gcre.wales.
Next GCRE Community Roadshow
Bydd y Ganolfan Rhagoriaeth Rheilffyrdd Byd-eang yn cynnal ei digwyddiad Sioe Deithiol Gymunedol nesaf yn Onllwyn ym mis Gorffennaf.
Bydd y sesiwn yn caniatáu i aelodau'r cyhoedd glywed mwy am y cynlluniau ar gyfer y safle a darparu fforwm i ofyn cwestiynau i dîm y Ganolfan Ragoriaeth Rheilffyrdd Fyd-eang.
Bydd y digwyddiad yn cael ei gynnal ar:
– Dydd Mercher 17eg Gorffennaf
- Rhwng 3pm a 7pm
– Yn Neuadd Les Onllwyn, Wembley Avenue, Onllwyn, SA10 9HL
Os ydych chi'n byw yn yr ardal ac â diddordeb mewn gwybod mwy am y Ganolfan Rhagoriaeth Rheilffyrdd Byd-eang – dewch draw!
Yfory economaidd mwy disglair
Mae’r weledigaeth ar gyfer y Ganolfan Fyd-Eang Rhagoriaeth Rheilffyrdd bob amser wedi bod yn fwy o lawer na dim ond gosod trawstiau concrid a chledrau dur ar y ddaear.
Un o gryfderau sylfaenol y Ganolfan Fyd-Eang Rhagoriaeth Rheilffyrdd yw’r gefnogaeth mae’r prosiect wedi’i chael gan gymunedau lleol, busnesau a’r gymdeithas ddinesig o amgylch y safle. Ac yntau’n brosiect datblygiad economaidd, mae GCRE yn gyfle pwysig i’r pentrefi cyfagos; i'r rhanbarth economaidd ehangach; i Gymru ac i’r DU yn gyffredinol.
Mae’r prosiect yn cynnig cyfle o ran swyddi o ansawdd da a sgiliau heddiw, a chyfle i adeiladu dyfodol economaidd mwy disglair ar gyfer y gymuned a’r bobl ifanc yn yr ardal. Mae’r cymorth hwnnw yr un mor bwysig i’r prosiect ag unrhyw ased arall.
Effaith Economaidd
Mae dadansoddiad economaidd annibynnol wedi dangos y bydd GCRE yn:
Creu 1,100 o swyddi
Cyfrannu £300m o godiad GVA i'r economi.
Sicrhau y bydd pob £1 sy'n cael ei wario ar y cyfleuster GCRE yn sicrhau gwerth £15 o fanteision ehangach.
Wedi ymrwymo i'r gymuned leol
Mae tîm y GCRE wedi ymrwymo i weithio gyda’r gymuned leol, o’r cyfnod adeiladu hyd at ei weithredu’n llwyddiannus, i sicrhau bod y weledigaeth ar gyfer y prosiect i’w gweld ac yn cael ei deall yn glir.
Mae GCRE yn chwilio am ddeialog wirioneddol am beth yw'r prosiect a sut mae'n datblygu gyda'r gymuned leol. Mae GCRE wedi ffurfio Pwyllgor Rhanbarthol a Grŵp Cyswllt Lleol fel rhan o'i fframwaith llywodraethu y bydd yn ei ddefnyddio drwy gydol y prosiect – o'r adeiladu i'r gweithredu – i sicrhau bod llais y gymuned leol yn cael ei glywed.
Bydd mwy o fanylion am ymgysylltu â’r gymuned leol yn cael eu postio ar y dudalen hon.
Pwyllgor Rhanbarthol GCRE
Gellir gweld cofnodion Pwyllgor Rhanbarthol Canolfan Fyd-eang Rhagoriaeth Rheilffyrdd yma:
