'Torri tir newydd mewn arloesedd rheilffyrdd' - GCRE yn lansio cystadleuaeth ryngwladol yn InnoTrans 2024
Mae’r Ganolfan Fyd-eang ar gyfer Rhagoriaeth Rheilffyrdd wedi lansio cystadleuaeth arloesi rheilffyrdd fawr newydd mewn partneriaeth ag InnovateUK a’r Adran Busnes a Masnach yn Llywodraeth y DU.
Mae’r gystadleuaeth gwerth £500,000 a lansiwyd yn InnoTrans 2024 yn Berlin yn galw ar dimau i ddatblygu arloesiadau newydd sy’n mynd i’r afael â heriau mawr yn y diwydiant rheilffyrdd byd-eang. Mae'r gystadleuaeth yn gofyn i dimau fynd i'r afael â heriau rheilffordd thematig gan gynnwys trac, cerbydau, gweithrediadau ac adeiladu.
Mae'r syniadau a anogir drwy'r gystadleuaeth yn cynnwys arloesiadau trac sy'n lleihau dirywiad systemau balast ac olwynion; ar gyfer cerbydau, gwahoddir timau i gyflwyno syniadau i wella cysur teithwyr ac aerodynameg; mewn ffyrdd gweithrediadau i wella cludo hydrogen a llwytho nwyddau ac mewn dulliau adeiladu i gefnogi cydnerthedd rhwydwaith a datgarboneiddio concrit.
Mae gan y gystadleuaeth – Contractau ar gyfer Arloesedd: Heriau Arloesedd Rheilffyrdd Rhyngwladol – flas byd-eang clir a gofynnir i dimau ddatblygu syniadau a all gefnogi heriau a wynebir gan y diwydiant rheilffyrdd rhyngwladol. Gofynnir i'r rhai sy'n cymryd rhan yn y gystadleuaeth gydweithio â phartner rhyngwladol ar eu prosiectau.
Mae digwyddiad briffio ar gyfer timau sydd â diddordeb ar gael ar wefan Innovate UK lle gall timau hefyd gofrestru i wneud cais am y gystadleuaeth.
Gall timau llwyddiannus ddatblygu eu syniadau mewn partneriaeth â’r Ganolfan Fyd-eang ar gyfer Rhagoriaeth Rheilffyrdd sy’n cael ei datblygu yn Ne Cymru. Bydd GCRE yn gyfleuster ar gyfer ymchwil rheilffyrdd o'r radd flaenaf, profi ac arloesi cerbydau, seilwaith a thechnolegau rheilffyrdd newydd blaengar.
Dywedodd Prif Weithredwr GCRE Ltd, Simon Jones, fod y gystadleuaeth yn gyfle pwysig ar gyfer y cyfleuster newydd.
Dywedodd Simon Jones, Prif Weithredwr GCRE Cyfyngedig:
“Rwy’n falch iawn o helpu i lansio’r gystadleuaeth hon heddiw yn InnoTrans 2024 a fydd yn helpu i dorri tir newydd mewn arloesi rheilffyrdd rhyngwladol. Gyda’n partneriaid Innovate UK a’r Adran Busnes a Masnach rydym yn dechrau un o’r cystadlaethau arloesi mwyaf diddorol a chreadigol ym myd y rheilffyrdd heddiw.
“Mae’r heriau sydd wedi’u gosod ac rydyn ni’n gwahodd timau i fynd i’r afael â nhw a chanolbwyntio arnyn nhw ymhlith y rhai mwyaf hanfodol yn y rheilffyrdd. Gallai’r syniadau a gyflwynir chwarae rhan bwysig yn natblygiad y rheilffyrdd cryfach, gwyrddach a mwy dibynadwy i deithwyr a nwyddau y mae angen inni eu gweld ledled y byd ar y llwybr hyd at 2050. Byddant hefyd yn helpu i ddangos ymrwymiad parhaus y diwydiant rheilffyrdd i mynd i’r afael ag amrywiaeth o heriau arloesi rheilffyrdd rhyngwladol.
“Mae’r gystadleuaeth hon – ac yn arbennig ei dimensiwn rhyngwladol – yn un bwysig i GCRE gan ei bod yn dangos unwaith eto apêl fasnachol eang y cyfleuster rydym yn ei ddatblygu oherwydd yr isadeiledd unigryw a fydd gennym yma. Ni fydd gan unrhyw le arall yn Ewrop seilwaith fel GCRE ac oherwydd hynny rydym yn awyddus i ddatblygu ein perthynas ag Innovate UK ymhellach dros yr ychydig flynyddoedd nesaf.
“Mae’n wych dechrau’r gystadleuaeth a thynnu sylw at y ffyrdd ymarferol y bydd y Ganolfan Fyd-eang ar gyfer Rhagoriaeth Rheilffyrdd yn cefnogi timau.”
Dywedodd Kelvin Davies, Pennaeth Arloesi GCRE Cyfyngedig:
“Fel safle ar gyfer arloesi o safon fyd-eang, GCRE fydd y cyfleuster pwrpasol cyntaf yn Ewrop ar gyfer profi cerbydau, arloesi seilwaith a datblygu technoleg sero net. Felly mae'n ffit naturiol i ni weithio Innovate UK a'r Adran Busnes a Masnach ar y fenter hon.
“Mae’r gystadleuaeth hon yn un o’r rhai mwyaf eang ei chwmpas i gael ei lansio yn yr ychydig flynyddoedd diwethaf ac mae’n cynnig cyfle i dimau fod yn llawn dychymyg yn y syniadau a’r datblygiadau arloesol y maent yn eu cynnig.
“Byddwn yn annog y rhai sydd â diddordeb i gofrestru ac i weld y digwyddiad briffio ar-lein i glywed mwy am y cyfle cyffrous y mae’r gystadleuaeth hon yn ei gynnig.”
Dywedodd Pennaeth Rheilffyrdd yr Adran Busnes a Masnach, Mike Noakes:
“Mae’r diwydiant rheilffyrdd byd-eang yn parhau i dyfu, gan gydnabod pwysigrwydd seilwaith effeithlon, carbon isel a thrafnidiaeth i dwf ledled y byd. Ac eto, rydym yn wynebu heriau digynsail sy'n deillio o newid yn yr hinsawdd y mae'n rhaid i reilffyrdd newydd a phresennol eu hwynebu.
“Ar ôl trafodaethau ag arweinwyr y diwydiant rheilffyrdd, rydym wedi nodi rhai o’r materion mwyaf dybryd i lunio’r fanyleb ar gyfer yr Heriau Arloesi Rheilffyrdd Rhyngwladol hyn ac felly edrychwn ymlaen at gefnogi syniadau arloesol sy’n torri tir newydd a fydd yn helpu’r rheilffordd i ffynnu wrth i ni symud ymlaen. .”
